အတိတ်နဲ့ ပစ္စုပ္ပန်ကိုရောစပ်
အနာဂတ်ယုံကြည်မှုပါ
အနာဂတ်ယုံကြည်မှုပါ
ထပ်ဖြည့်ခဲ့တဲ့ပန်းချီကားလေးတစ်ချပ်ကို
ကျောခိုင်းမိခဲ့တာ အချိန်ကာလတစ်ခုကြာခဲ့ပါပြီ...
မြတ်နိုးစွဲလမ်းခြင်းတွေနဲ့ သေသပ်စွာချည်နှောင်ခဲ့တဲ့
အတိတ်တစ်ခုကို နှလုံးသားတစ်စုံပေးအပ်ပြီးကျော်လွန်လို့
ဖြတ်သန်းခဲ့ရတဲ့ သက်တမ်းရင့်ရင့်ရင်ခုန်သံတွေပါ.....။။။။။။။။။။။။။။။။။။။။။။။။။။။
ရင်နဲ့မဆံ့တဲ့ချစ်ခြင်းတွေကို
မာယာမကြွယ် ..ပရိယာယ်မပါဘဲ
ရိုးရှင်းစွာပြန့်ကျဲပြီး နင့်ကိုအမြဲအေးမြစေချင်ခဲ့သူပါ..
နင်ကတော့ ဒီတိုင်းဘာမှမဟုတ်သလို ပေါ့ပေါ့လေးးဖြစ်ခဲ့တဲ့
ရင်ခုန်သံပါလို့ ပြောထွက်ရက်တယ်နော်....
နင်နဲ့အတူဖြတ်သန်းခဲ့တဲ့နေ့ရက်တွေမှာ အနာဂတ်ကိုကိုးစားမိလို့
ပျော်စရာလေးပဲ ငါတွေးမိဖူးတယ်.
လမ်းခွဲခြင်းအဆုံးသတ်ရဲ့ ဒဏ်ရာတွေအတွက်
ဖြေဆေးကိုတော့ ကြိုပြီးမဆောင်ထားခဲ့မိဘူး.....။။။။။။။။။။။။။။။။။။။။။။။။။။။။။
ငါ နင့်အတွက်တော့ စိုးရိမ်မိပါရဲ့..
ရီပြီးရင်ငိုရတတ်တဲ့ လောကကြီးရဲ့သာတူညီမျှသဘာဝကို
နင်နားမလည်သေးဘူးထင်ပါရဲ့...
သစ္စာတရားနဲ့လိပ်ပြာသန့်သန့် ချစ်ခဲ့တဲ့သူဆိုတော့
ငါလွမ်းရဲပါတယ်..အလွမ်းနေရက်တွေကိုတယုတယဖြတ်သန်းဦးမှာပါ....
"ပန်းကောင်းတစ်ပွင့်ပန်ဆင်ချင်သူ မိန်းကလေးတစ်ယောက်က
သူ့အချစ်ကိုလဲ ရိုးမြေကျသစ္စာထားတတ်တယ်" တဲ့လေ...
ငါ့အချစ်နဲ့ င့ါသစ္စာ နင့်ကိုမစူးစေဖို့ ငါအမြဲဆုတောင်းပေးနေပါတယ်.......။။။။။။။။။။။။။။။။။။။။။။။။။။။။။။။
င့ါအတွေးနောက် နင်လိုက်မလာတဲ့အချိန်တွေနဲ့
နင့်အတွေးနောက် ငါလိုက်မလာတဲ့အချိန်တွေက
တဖြည်းဖြည်းဝေးကျန်ခဲ့ပြီ....
စိတ်မကောင်းပါဘူး အရင်ကချစ်သူရေရ...
ငါ့အနာဂတ်ကို နှလုံးသားနဲ့စီရင်ဖို့
အကြိမ်ကြိမ် မာနနင်းချေခွင့်ပြုခဲ့ဖူးပေမယ်
နင်ရက်စက်တဲ့နေ့ကစလို့..
ငါ့ခံစားချက်တွေကို ရက်စက်တတ်ဖို့ ပြင်ဆင်လိုက်ပြီ..
နှလုံးသားကို ဆက်လက်စီရင်ခွင့်မပေးထားလို့
နောက်ထပ်နေ့ရက်တွေရဲ့ ရင်ခုန်သံတွေထဲမှာ နင်ပါဝင်နေမှုကို
တဖြည်းဖြည်းချင်းလျှော့ချဖို့ တနေ့ထက်တနေ့ ငါပိုကြိုးစားနေလို့ပါ..။။။။။။။။။။။။။။။။။။။။။။။။။။။။။။
♪♫မေဖြူချစ်နှင်း♪♫
No comments:
Post a Comment